Inunnut inuiaqatigiinnullu tunngasunik ilisimatusarneq
Kalaallit Nunaanni inunnut inuiaqatigiinnullu tunngasunik ilisimatusarneq Kalaallit Nunaanni Danmarkimilu ilisimatusarfinni arlalinni ingerlanneqarpoq.
Kalaallit Nunaanni inunnut inuiaqatigiinnullu tunngasunik ilisimatusarneq pingaartumik Ilisimatusarfimmi ingerlanneqarpoq. Taassuma saniatigut Meeqqat inuusuttullu pillugit ilisimasaqarfik (MIPI), Nunatta Katersugaasivia Allagaateqarfialu kiisalu Groenlandica ilisimatusarnermik ingerlataqarput.
Ilisimatusarfik
Instituttit pingasut Ilisimatusarfimmiipput:
Ilimmarfimmi instituttit
- Ingerlatsinermik immikkoortortaqarfik
- Oqaasilerinermik, Atuakkialerinermik Tusagassiuutilerinermillu immikkoortortaqarfik
- Inuiaat Piorsarsimassusaasalu oqaluttuarisaanerannik immikkoortortaqarfik
- Upperisarsiornermi immikkoortortaqarfik
- Isumaginninnermi immikkoortortaqarfik
- Tusagassiornermik immikkoortortaqarfik
- 1. september 2012-miit immikkoortortaqarfik Suliffeqarfinni oqaatsit nutserinerlu.
Peqqissaanermik ilisimatusarfik
Ilinniarnermik ilisimatusarfik
- Ilinniarfissuaq – Ilinniartitsisunngorniarfik,
- Inerisaavik – Ilinniaatsinut immikkoortortaqarfik
Ilisimatusarfik pillugu paasissutissat sukumiinerusut nittartakkami uani takuneqarsinnaapput: www.ilisimatusarfik.gl
Kalaallit Nunaanni Naatsorsueqqissaartarfik
Naatsorsueqqissaartarfik misissuinerit imissutigineqartut ilisimatusarnermullu peqataanerit suliarisarpai.
Naatsorsueqqissaartarfik pillugu paasissutissat sukumiinerusut nittartakkami uani takuuk: www.stat.gl
MIO - Meeqqat inuusuttullu Oqaloqatiginnittarfiat
MIPI 1. marts 2012 aallarnerfigalugu meeqqat pisinnaatitaaffiinik sullissivimmut, Meeqqat Illersuisuanut akuliutsitsinneqarpoq. Sullissivik ataatsimut ateqartinneqarpoq MIO (Meeqqat inuusuttullu Oqaloqatigiinnittarfiat). MIPI-p suliai ingerlateqqinneqartussaapput, ilutigalugu sullissivik meeqqat pisinnaatitaaffiinik atugassarisaannillu suliaqassaq. Taamatuttaaq meeqqat inuusuttullu saaffiginnissinnaassapput apeqqutissaminnut siunnersorneqarlutik. Taakku saniatigut allatseqarfik innuttaasut, immikkut ilisimasallit politikerillu saaffiginnissutaannut apeqquteqaataannullu akissuteqartassaaq. MIPI-p nittartagaa atuutiinnarpoq, nutarterneqanngikkaluarluni.
MIO-p nittartaga ateqarpoq www.mio.gl
Groenlandica
Groenlandica tassaavoq kalaallit atuagaateqarfiat, tassani pingaarnertut suliassaavoq Kalaallit Nunaata kulturikkut naqitanik kingornussaasa isumannaatsuutinnissaat innarlernaveerneqarnissaallu.
Groenlandica pingasunik katersugaateqarpoq:
- Inuiattut katersugaatit
- katersugaatit immikkut ittut
- katersugaatillu attartorneqarsinnaasut
Groenlandica Ilimmarfimmi inissisimavoq, aaqqissuussaanikkulli Nunatta Atuagaateqarfiata immikkoortuatut inissisimalluni. Atuakkanik atorniartarfik tamanut ammavoq.
Groenlandica pillugu nittartagaq una sukumiinerusumik takuuk: www.groenlandica.gl
Inerisaavik – ilinniagaqaqqinneq/nangitsiviusumik ilinniartitaaneq
Meeqqat atuarfianni perorsaanermik ilinniartitsinermillu atuartitsisut diplomitut, masteritut kandidatitullu ilinniagaqaqqinnerat / nangitsiviusumillu ilinniartitaanermik ingerlatsinerat meeqqat atuarfianni atuartitsisunit pisortanillu ingerlaanneqartarpoq. Aammalu fagimi siunnersuisartutut, atuartitsissutissanik ineriartortitsisutut, pikkorissarnertigut, ineriartortitsinermillu suliniuteqarnikkut, taamatullu atuarfiup ingerlaneranut nalilersuisinnaasutut.
2011-mi diplomimut, masterimut kandidatimullu, pikkorissarnernullu allanut aningaasat ingerlatsinermi atugassat Inerisaavimmit Ilinniarfissuarmut Ilisimatusarfimmut tassannga aqutassanngorlugit nuunneqarput.
Inerisaavik pillugu paasissutissat annertunerusut nittartakkami uani takukkit: www.inerisaavik.gl
Nunatta Katersugaasivia Allagaateqarfialu
Nunatta Katersugaasiviata Allagaateqarfiatalu kulturikkut oqaluttuarisaanermik ilisimatusarneq ingerlataraa. Kalaallit Nunaata oqaluttuarisaanera piffissaq tamaat pisukkaarlugu itsarnitsanik ilisimatusarnermi aallaavigineqarpoq. Inuiaqatigiilerinermut kulturimullu tunngasunik misissuinermi kalaallit atisatoqaat kulturilu aallaavigineqarput, oqaluttuarisaanermullu tunngasut nunasiaateqarnermut sammitinneqarlutik. Taassuma saniatigut Nunatta Katersugaasivia kulturikkut oqaluttuarisaanermut eqqissisimatitsinermullu tunngasunut tamanut akisussaasuuvoq aatsitassarsiorfinnullu nukissiorfinnullu arlalinnut siunnersuisartuulluni.
Nunatta Katersugaasivia Allagaateqarfialu pillugit paasissutissat sukumiinerusut nittartakkami uani takukkit: www.natmus.gl
Inunnut inuiaqatigiinnullu tunngasunik ilisimatusarneq
Ilisimatusartut arlallit Kalaallit Nunaanni pissutsinik ilisimatusarnermik ingerlataqarput. Ilisimatusarfigineqartut pingaaruteqarnerit tassaapput:
- The International Work Group on Indigenous Affairs nunap inoqqaavi pillugit ilisimatusartoq ilaatigut nunanut issittumiittunut tunngassuteqartunik. Tamanna pillugu sukumiinerusumik paasissutissat nittartakkami uani takukkit: www.iwgia.dk
- Kulturikkut pisinnaatitaaffinnik ilisimatusarneq (CRS) Københavnip Universitetiata Centeriani nalagaaffiup – inuiaallu pisinnaatitaaffiinut tunngasut naalagaaffeqatigiinnerup iluani qitiutinneqarput inooqatigiit pissutsimikkut pisinnaatitaaffii aallaavigalugit. Pineqartut nittartagaq una ammarlugu qimerluukkit: http://jura.ku.dk/crs/
- Institutimi Kulturit killingi akimorlugit – Nunallu immikkoortuini tunngasunik ilisimatusaatit Københavnip Universitetiani, ilisimatusarneq qulequttanut makkununnga sammisaqarfiuvoq, tassalu Kalaallit Nunaata nunasiaataalerneranit pisimasunut, eskimuut oqaasinut taamatullu kulturitigut aammalu inuiaqatigiit pissusaannut tunngasut. Pineqartut nittartagaq una ammarlugu qimerluukkit: http://tors.ku.dk
- Aalborg Universitetimit inuiaqatigiilerinermi nunarput pillugu kiisalu nunap aningaasarsiornerullu pilersaarusiorneqarnera samminerullugit ilisimatusarneq ingerlanneqarpoq. Pineqartut nittartagaq una ammarlugu qimerluukkit: www.aau.dk
- Naalagaaffiup Inuiaat Peqqissusiannut Institutia (SIF) Kalaallit Nunaanni inuiaat peqqissusiat inuiaqatigiit pissusaannut tunngasut aallaavigalugit sammineqarput. Pineqartut nittartagaq una ammarlugu qimerluukkit: www.si-folkesundhed.dk
- Nordregio – Nordic Centre for Spatial Development, tassaavoq nunat avannarliit ministerrådiata ilisimatusarnikkut centeria nunap immikkootuisa ineriartornissaat siunertaralugu (Nordisk Ministerråds forskningscenter). Pingaarnertut ilisimatusaatigineqarput Kalaallit Nunaanni taamatullu Issittumi inuiaqatigiit pissusaannut tunngasut allanngoriartornerat. Centerittaaq ingerlataraa nunat avannarliit ministerrådiata issitumi ilisimatusarnikkut programmia. Pineqartut nittartagaq una ammarlugu qimerluukkit: www.nordregio.se
Inuit kulturiannik ilisimatusarfik aamma Issittumi ilisimatusarneq
Inuit kulturiannik Ilisimatusarfimmi aamma Issittumi ilisimatusarneq Institutimi Kulturit killingi akimorlugit – Nunallu immikkoortuini tunngasunik ilisimatusaatit Københavnip Universitetianut atasumi oqaatsinut, kultureqarnermut inuiaqatigiinnullu tunngasunik ilisimatusarnernut tunngasut ilinniartitsissutigineqarput ilisimatusarfigineqarlutillu. Nunat sumiiffii tunngavigalugit ilisimatusarnerit Kalaallit Nunaanni, Canadami, Alaskami Sibeeriamilu inuit najugaannut sammisitaanerupput, Kalaallilli Nunaat pingaarnerutillugu. Kalaallit oqaasii allanertat oqaasiisut ilinniartitsissutigineqartarput.
Nittartagaq una sukumiinerusumik takuuk: http://eskimologi.ku.dk
Center for Grønlandsforskning
Kalaallit Nunaanni Qitiusumik ilisimatusarfik (SILA) Københavnimi Nationalmuseumip ataaniittoq 1999-mi pilersinneqarpoq. 2009-mili SILA – Arctisk Center ved Etnografisk Samlingimik taaguuteqalerpoq. Avannaarsuani Atlantikullu avannaatungaani itsarnisarsiornermut oqaluttuarisaanermullu ilisimatusarnikkut qitiuvoq. Qitiusumik ilisimatusarfiup Nunatta Katersugaasivia Allagaateqarfialu qanimut suleqatigai.
Tamanna pillugu paasissutissat nittartakkami uani sukumiinerusumik takuneqarsinnaapput: www.natmus.dk